გარემოს დაცვა – თანამედროვე ტექნოლოგიები ეფექტურად იცავენ გრუნტისა და ზედაპირულ წყლებს
აბინძურებს თუ არა თანამედროვე პოლიგონი მიწისქვეშა წყლებს?
არა! რატომ?ნაგავსაყრელს ჩაღრმავებული ფორმა აქვს. პოლიგონის სიღრმეში მოწყობილია რამოდენიმე დამცავი ფენა, რაც უზრუნველყოფს ნაჟური წყლების ნიადაგში გაჟონვის თავიდან აცილებას. ნაგავსაყრელზე დაგროვილი ნაჟური წყლები არხების საშუალებით გაედინება პოლიგონის სიახლოვეს სპეციალურ ავზებში, რომლებიც ასევე გეომემბრანითაა მოწყობილი. ავზში ჩამდინარი წყლები იწმინდება ეფექტური დასუფთავების ტექნოლოგიის მეშვეობით რასაც „რევერსული ოსმოსი“ ეწოდება. წყლის გამოხდის პროცესი ითვალისწინებს გერმანულ რეგულაციებს.
ნაჟური წყლის შეგროვება ჰერმეტულ ავზში
ნაგავსაყრელზე წარმოქმნილი ნაჟური წყლები პოლიგონის ქვეშ დამონტაჟებული სადრენაჟო სისტემის საშუალებით გროვდება ნაჟური წყლებისათვის განკუთვნილ სპეციალურ ავზში.
ნაჟური წყლების ტექნოლოგიური დამუშავება რევერსული ოსმოსის სადგურზე
თანამედროვე გადამამუშავებელი სადგურები რევერსული ოსმოსის საშუალებით 100 ლიტრი დაბინძურებული ნაჟური წყლიდან 70 ლიტრ სუფთა წყალს იღებენ. დარჩენილი 30 ლიტრი ისევ ნაგავსაყრელს უბრუნდება და იქვე კონტროლდება.
რევერსულ ოსმოსზე დამუშავების შემდგომ მიღებული სუფთა წყალი
რევერსულ ოსმოსზე წყლის დამუშავება მაღალეფექტურია და წყალს ტოქსინებისა და მავნე ნივთიერებებისაგან სრულიად ასუფთავებს.
ნაგავსაყრელის სრული ჰერმეტიზაცია – ტექნოლოგიური ეტაპები
ტექნოლოგია, რომელიც დღესდღეობით დამცავი ფენებისა და ნაგავსაყრელზე მიწის სიღრმეში ნაჟური წყლების სადრენაჟო სისტემების მოსაწყობად გამოიყენება, მსოფლიოს არაერთ ქვეყანაში წარმატებულად არის აპრობირებული.
ნაგავსაყრელის აუზის ფორმირება და დაპრესვა
პოლიგონის ნიადაგი ითხრება, შემდეგ იპრესება და იფარება თიხის ორმაგი ფენით, რაც ქმნის ჰერმეტულად დაცული სისტემის საფუძველს. პოლიგონის ზუსტი დახრილობა კი უზრუნველყოფს ნაჟური წყლებისთვის წყალშემკრები პუნქტების წარმოქმნას.
ნაგავსაყრელის ავზის სრული გადაფარვა გეომემბრანით
გეომემბრანა მთლიანად ფარავს პოლიგონის აუზის ფსკერს.
შედუღება და შემოწმება
გამოცდილი და კვალიფიციური ტექნიკური პერსონალი ნაჭრების შედუღების შედეგად ქმნის ერთ მთლიან ნაჭერს, რომლის ნაკერების სიმყარესაც ჰაერის წნევის გამოყენებით ამოწმებენ.
დამცავი გარსი და ღორღის 50 სმ-იანი ფენა
წყალგაუმტარ გეომემბრანაზე ხდება გეოტექსტილის განთავსება, რაც შემდეგ იფარება ღორღის 50 სმ-იანი ფენით. აღნიშნული მეთოდი უზრუნველყოფს ნაჟური წყლის გადინებას დრენაჟსა და შემკრებ მილებში.
ნაჟური წყლის სადინარი მილები ხრეშის ქვეშ, ქვიშაზე
აღნიშნული სადინარი და შემგროვებელი მილები, მოთავსებულია ქვიშის ფენაში და შემდეგ იფარება ხრეშით. ბუნებრივი მიზიდულობის ძალით, ნაჟური წყალი სადინარისკენ მიედინება.
ნაჟური წყლების მილების მიდუღება გეოტექსტილზე
მილები მჭიდროდ არის შედუღებული წყალგაუმტარ გეომემბრანასთან, რაც ავზის უზარმაზარ სადინარს ქმნის.
