ქართულმა მხარემ სახიფათო ნარჩენების მართვის სფეროში შვედეთის გამოცდილება გაიზიარა

ქართულმა მხარემ სახიფათო ნარჩენების მართვის სფეროში შვედეთის გამოცდილება გაიზიარა

04/06/2018 – შვედეთში სახიფათო ნარჩენების მართვის სფეროს შესახებ სასწავლო ტური გაიმართა. საქართველოს მყარი ნარჩენების მართვის კომპანიის დირექტორმა, გიორგი შუხოშვილმა,  საქართველოს გარემოს დაცვისა და სოფლის მეურნეობის მინისტრის პირველ მოადგილესთან , ნოდარ კერესელიძესთან  ერთად სტოკჰოლმში შვედი კოლეგების გამოცდილება გაიზიარა.

სასწავლო ტურის ძირითად მიზანს წარმოადგენს ქვეყანაში არსებული შესაძლებლობების გაძლიერება, მწარმოებლის გაფართოებული პასუხისმგებლობის EPR, სახიფათო და ბიოდეგრადირებადი ნარჩენების მართვის სისტემის გაუმჯობესება – რაც  შეამცირებს ნარჩენების მართვისა და განთავსების არსებული პრაქტიკის უარყოფით ზეგავლენას გარემოსა და ადამიანის ჯანმრთელობაზე.

ტურის ფარგლებში შვედეთის სახიფათო ნარჩენების საკანონმდებლო და ტექნიკური დეტალები განიხილეს.ვიზიტი მოიცავდა შეხვედრებს შვედეთის გარემოს დაცვის სააგენტოს, მუნიციპალიტეტებისა და სახიფათო ნარჩენების მართვის სფეროში მოქმედი კერძო და სახელმწიფო ბიზნესის წარმომადგენლებთან. ასევე, ტურის ფარგლებში მონაწილეებმა სახიფათო ნარჩენების მართვის ობიექტებიც მოინახულეს. ვიზიტი შვედეთის გარემოს დაცვის სააგენტოს  მხარდაჭერით გაიმართა.

სასწავლო ტურში მონაწილეობას საქართველოს მყარი ნარჩენების მართვის კომპანიის, საქართველოს გარემოს დაცვისა და სოფლის მეურნეობის სამინისტროს, შპს „თბილსერვის ჯგუფისა“  და შპს „ჰიგიენას“ წარმომადგენლები იღებდნენ.

2018-06-04T11:54:43+00:00